الحرب على إيران تقدر تأثر على سوق الطاقة العالمي

كيعيش سوق الطاقة العالمي حالة ديال القلق الكبير بسبب استمرار الحرب على إيران وتعطل واحد من أهم الممرات البحرية لنقل النفط فالعالم.

وحذر عدد من خبراء الطاقة وكبار المتداولين أن ثمن النفط يقدر يقرب بسرعة لـ 100 دولار للبرميل إلا بقات الاضطرابات الحالية فالإمدادات.

وخلال الأيام الأخيرة، عرفات أسعار النفط ارتفاع ملحوظ، حيث وصل ثمن الخام الأمريكي لحوالي 90 دولار للبرميل، بينما قرّب نفط برنت من 95 دولار فالتداولات، وهو أعلى مستوى تسجل تقريباً منذ عامين.

وكيشوفو متعاملين فالسوق أن هاد الارتفاعات يمكن تكون غير بداية لموجة أكبر إذا استمرت الحرب وتأثر على تزويد النفط من منطقة الخليج.

والسبب الرئيسي ديال هاد القلق هو شبه توقف حركة الملاحة عبر مضيق هرمز، اللي كيتعتبر الشريان الأساسي لتجارة النفط فالعالم.

ففي الظروف العادية كيدوز منو حوالي 20 مليون برميل يومياً، أي ما يقارب خُمس الاستهلاك العالمي، وبالتالي أي توقف طويل فيه يقدر يدير صدمة كبيرة فالسوق العالمي للطاقة.