بلان زوين 👍: جمعية “باقي الخير” كاتطلق مبادرة إفطار 1500 صائم

طلقات جمعية باقي الخير بمدينة طنجة مبادرة إنسانية بمناسبة شهر رمضان، وهاد المبادرة كتتمثل فتنظيم موائد الرحمان باش يتفطرو الصائمين.

وكتستهدف هاد المبادرة بالأساس الناس المحتاجين وعابري السبيل، فجو ديال التضامن والتآزر اللي كيميز هاد الشهر الفضيل.

وحسب القائمين على الجمعية، غادي يتم توفير حوالي 1500 وجبة إفطار يومياً طيلة أيام رمضان، وهاد الشي بمشاركة عدد من المتطوعين والمحسنين اللي ساهمو باش تنجح هاد المبادرة الخيرية.

وكتعتبر هاد المبادرة النسخة السابعة من موائد الرحمان اللي كتنظمها جمعية باقي الخير فطنجة، حيث كتحاول الجمعية كل عام توسع العمل الخيري ديالها وتكرس قيم التضامن ومساعدة الفئات المحتاجة فشهر رمضان.