الجزائر كا تربح الكونغو فآخر الأنفاس و كا تتأهل لربع نهائي كأس إفريقيا 2025

تأهل منتخب الجزائر لربع نهائي كأس إفريقيا 2025، من بعد ما ربح الكونغو بنتيجة 1-0، فالماتش اللي تلعب نهار الثلاثاء، ضمن ثمن النهائي، فوق أرضية ملعب مولاي الحسن فالرباط.

الشوط الأول سالا بلا أهداف (0-0)، حيث ما كانت حتى فرص حقيقية للتسجيل من الجهتين.

ومن بعد الراحة، بقى التعادل السلبي مسيطر حتى سالا الوقت القانوني، واحتكمو المنتخبين للأشواط الإضافية.

وقبل ما تسالي المباراة بلحظات، قدر منتخب الجزائر يحسم التأهل بفضل هدف عادل بولبينة فالدقيقة 119 من الشوط الإضافي الثاني.

وبهاذ النتيجة، غادي يواجه المنتخب الجزائري نظيرو النيجيري فربع نهائي كأس إفريقيا، فالمباراة اللي غادي تلعب نهار السبت الجاي على الساعة الخامسة ديال العشية (غرينيتش +1).