ريال مدريد ربحو مانشستر سيتي (3-0)

حقق ريال مدريد فوز كبير على الضيف ديالو مانشستر سيتي بثلاثة دالأهداف لوالو، فالمقابلة اللي تلعبات مساء الأربعاء فملعب ملعب سانتياغو برنابيو، برسم ذهاب دور الـ16 من منافسات دوري أبطال أوروبا.

الفريق الملكي دخل المقابلة بقوة، وقدر اللاعب الأوروغوياني فيديريكو فالفيردي يفتتح التسجيل فالدقيقة 20، ومن مورا سبعة دقايق رجع نفس اللاعب وسجّل الهدف الثاني، وعطى التقدم بكري للفريق ديالو.

وبقى ريال مدريد ضاغط هجومياً فالشوط الأول، حتى قدر فالفيردي يسجّل الهدف الثالث فالدقيقة 42 ويكمل الهاتريك ديالو، بعد تمريرة حاسمة من الدولي المغربي إبراهيم دياز، وسالا الشوط الأول بتقدم أصحاب الأرض بثلاثية نظيفة.

المقابلة حتى هي شهدات حضور مزيان لإبراهيم دياز، اللي قدّم أداء جيد وبيّن مرة أخرى باللي يقدر يأثر فالماتشات الكبار مع الفريق الملكي.

وبهاذ الرباح، قرّب ريال مدريد بزاف من التأهل لربع النهائي، وبقا غير ماتش الإياب باش يتحدد بشكل رسمي شكون غادي يدوز للدور الجاي من المنافسة الأوروبية.