دونالد ترمب : الحرب على إيران قريبة تسالي

قالت مراسلة شبكة سي بي إس الأمريكية، ويجا جيونغ، أن الرئيس الأمريكي دونالد ترمب صرّح اليوم الاثنين بأن الحرب مع إيران “قربات تسالي بشكل كبير”.

وحسب ما نشرت المراسلة فموقع إكس، أكد ترمب أن الولايات المتحدة متقدمة بزاف مقارنة مع المدة اللي كانت متوقعة فالبداية، واللي كانت كتتراوح ما بين 4 حتى لـ5 أسابيع بخصوص الحرب على إيران.

وزاد دونالد ترمب وقال إن الحرب ممكن تسالي قريبا، مشيراً أن إيران ما عندهاش أسطول بحري قوي، ولا شبكة اتصالات فعالة، وحتى سلاح الجو ديالها ضعيف.

كما كشف كذلك أنه فكر فشخص باش يعوض مجتبى خامنئي، اللي تعيّن البارح مرشداً أعلى لإيران من بعد اغتيال والده علي خامنئي فالهجوم الأمريكي-الإسرائيلي اللي وقع فطهران نهار 28 فبراير.

وبخصوص مضيق هرمز، قال ترمب للمراسلة بأن السفن دابا مازال كيدوزو منو بشكل عادي، ولكن راه كايفكر يفرض السيطرة عليه.