العمدة السابق ديال مراكش ضربوه بعامين ديال الحبس

حكمات محكمة الاستئناف اليوم الجمعة، على محمد بلقايد، العمدة السابق ديال مراكش عن حزب العدالة والتنمية، ونائبو الأول يونس بنسليمان اللي دابا من حزب التجمع الوطني للأحرار، بعامين سنين ديال الحبس النافذ وغرامة مالية.

وزادت المحكمة حكمات على كل واحد فيهم يخلص 20 ألف درهم، ويتأدّاو بجوجهم وبالتضامن لفائدة الطرف المدني اللي هي الدولة المغربية، تعويض كيوصل لأربعة مليون درهم.

هاد الحكم جا من بعد محاكمة طوالات كثر من خمس سنين، بعدما تابعتهوم النيابة العامة المختصة عند محكمة الاستئناف فواحد الملف المعروف بـ“كوب 22”، بتهم كتهم تبديد أموال عمومية والمشاركة فهاد الأفعال.