حملة جديدة على مواقع التواصل لمقاطعة الفنانين ديال الجزائر

فالأيام الأخيرة رجعات للواجهة دعوات من نشطاء مغاربة كيطالبو منظمي الحفلات والعروض الفنية بمقاطعة الفنانين اللي حاملين الجنسية الجزائرية، وما يتستضافوش فالمغرب، وذلك بسبب التوتر السياسي القائم بين البلدين وما كيتعتابروه مواقف عدائية من الجزائر.

هاد الجدل تزاد حدّة من بعد الإعلان على جولة فنية جديدة للكوميدي الجزائري عبد القادر السيكتور، خصوصاً العرض ديالو اللي مبرمج يوم 8 فبراير فمسرح محمد الخامس فالرباط، ضمن جولة غادي تشمل مدن مغربية أخرى. عدد من المعلقين عبّرو على رفضهم استضافة فنان جزائري، وطالبو بتوقيف هاد النوع من العروض حتى تتوضح المواقف السياسية.

في المقابل، كاين اللي كيشوف أن الفن خاصو يبقى بعيد على الصراعات السياسية، وأن هاد الدعوات كتحل نقاش معقد على حدود الفن واستقلاليتو.

ويشار أن السيكتور كان مرحب به من قبل فالمغرب، وقدم عروض ناجحة فعدة مدن، وكان حاضر فبرامج تلفزية مغربية، وحقق شعبية كبيرة وسط الجمهور.