المغرب خسر لقب كاس إفريقيا 2025 ضد السنغال

ما قدرش المنتخب الوطني المغربي يحقق لقب كأس إفريقيا للأمم، بعدما خسر النهائي قدّام السنغال بنتيجة 1-0، فالماتش اللي تلعب فالرباط فملعب الأمير مولاي عبد الله.

الماتش كان متكافئ بزاف، والمغرب خلق فرص حقيقية للتسجيل خصوصاً فالشوط الثاني، لكن التسرع وقلة التركيز ضيّعو أهداف محققة، أبرزها فرصة أيوب الكعبي اللي ضاعت وهو مقابل الحارس.

ياسين بونو كذلك تألق و عتق المنتخب من أكثر من هدف، وركلة الجزاء اللي نفذها إبراهيم دياز فآخر الوقت الأصلي تضاعت بعدما تصدى ليها الحارس ميندي.

المواجهة مشات للأشواط الإضافية، وفي الشوط الإضافي الأول سجلت السنغال هدف الفوز عن طريق باب غايي من هجمة سريعة. ورغم محاولات “أسود الأطلس” فالوقت المتبقي، ما قدرش المنتخب يرجع فالنتيجة.

بهذه الخسارة، ضاع اللقب الإفريقي الثاني فالتاريخ ديال المغرب، ولكن المنتخب خرج بمشوار مشرف بعدما تصدر مجموعتو وتجاوز تنزانيا والكاميرون ونيجيريا، ووصل للنهائي قدّام جماهيرو.