اضطراب مؤقت فحركة القطارات بين مراكش و سيدي بوعثمان بسبب عمل تخريبي

عرفات حركة قطارات المسافرين نهار اليوم الأحد 11 يناير 2026، مع الخمسة ديال الصباح، اضطراب مؤقت فمحور الجنوب، بسبب عطب فخط تزويد الطاقة الكهربائية بين مراكش وسيدي بوعثمان.

وأوضح المكتب الوطني للسكك الحديدية فبلاغ ليه، أن هاد التوقف كان ناتج على عمل تخريبي استهدف منشآت ديال السكك الحديدية.

وأكد البلاغ أنه مباشرة من بعد وقوع الحادث، تعبّأ المكتب الوطني للسكك الحديدية بجميع الموارد البشرية والتقنية الضرورية، ورجعات حركة القطارات للوضع العادي ديالها من بعد ما تسالات أشغال الإصلاح، حوالي العاشرة ونص ديال الصباح.

وفي الأخير، قدّم المكتب الوطني للسكك الحديدية اعتذار للزبناء ديالو على الإزعاج اللي تسبب فيه هاد الحادث، وشكرهم على حسن التفهّم ديالهم، مع إدانته الشديدة لهاد الأعمال التخريبية.