البارصا ربحو الريال فالكلاسيكو و داو كاس السوبر الإسباني

فاز البارصا البارح الاحد بلقب السوبر الإسباني، بعدما فاز الفريق على ريال مدريد فالفينال اللي تلعب فتيران الملك عبد الله بمدينة جدة السعودية.

وسالا الكلاسيكو بين البارصا وريال مدريد بنتيجة 3-2 لمصلحة البارصاويين.

وقدرو البارصا يماركيو هما الأولين بواسطة رافينيا فـ الدقيقة 36، قبل ما يماركي فينيسيوس جونيور فالدقيقة 2 من الوقت بدل الضائع د الشوط الأول ويعطي التعادل لريال مدريد، ومن وراها مباشرة وفـ نفس الشوط ماركاو البلاوغرانا الهدف الثاني بواسطة ليفاندوفسكي فـ الدقيقة 4 من الوقت بدل الضائع، قبل ما يرجعو ريال مدريد ماركاو الهدف الثاني ديال التعادل بواسطة گونزالو گارسيا فـ الدقيقة 7 من الوقت بدل الضائع.

وفالشوط الثاني قدر رافينيا يرجع ويخطف الهدف الثالث ديال الرباح لوليدات هانزي فليك، وماركاه فـ الدقيقة 73، وبقات النتيجة كما هي حتى سالات الماتش اللي تطرد منو لاعب البارصا دي يونع فـ الدقيقة 91.

وتوج برشلونة بهذه النتيجة بلقب كاس السوبر الإسباني للمرة 16 فـ التاريخ ديالو.